藝人鄧月平今日（15日）出席電子名片廣告首播會，新廣告同時是她自設工作室後首個製作，故具雙重意義，她直言與成班年輕人一齊工作十分開心，更為廣告特別操Fit自己，她稱：「本身拍電影都要操Fit，不過電影延期開拍，所以放縱咗，依家又要再Keep番。」
現場播放她的新廣告，共有4個造型，包括學生、女強人、人工智能AI和女神造型，其中女神Look以Deep V晚裝上陣，大晒36F無敵胸器，不過她笑言是健康的性感，她說最難就是要做AI，她說：「之前新歌《夜》扮過AI，導演就係睇完個MV加插呢個造型畀我，所以今年做咗兩次AI，幾正！」至於電影因為疫情而延遲開拍，她透露由籌備至今，已拖足逾年，現鐵定十月開鏡，問到會否覺得嘥了之前減肥的心機？她說：「唔會，藝人要無時無刻都要Ready，唔可以到電影嚟先準備。十月一定拍，會有啲特別。」